<Ամեն բանի մեջ նեղված ենք, բայց չենք ճնշված>:

1-ին Կորնթացիներ 4:9

Նեղությունները փորձում են ճնշում գործադրել մեզ վրա: Երբ մի նեղ ու փոքր բան ես հագնում, այն ճնշում է քեզ: Որքան ճնշոող բաներ կան մեր կյանքում, սակայն մի բան պարզ է, որ առանց ճնշման չկա կյանք: Եթե մեր մարմնի և անոթների մեջ դադարի ճնշումը, ապա մենք կմահանանք:

Ճնշումների մեջ երեք պարզ ճշմարտություն կա, որ պետք է հասկանանք:

1. Դու անպայման նեղություններ կունենաս:

Հովհ. 16:33,Հովհ. 14:1

Նեղ է այն ճանապարհը, որ տանում է հավիտենական կյանք: Երբ մեր անոթները նեղանում են, մեր ճնշումը բարձրանում է: Սակայն նեղ ճանապարհը, ի տարբերություն լայն, մի կարևոր առավելություն ունի: Այն անվտանգ է ու ապահով: Լայն ու հարթ ճանապարհներին դու սովորաբար չես զգում արագությունը և երբեմն այդ պատճառով վթարներ են լինում: Երբեմն այդ հարթ ճանապարհները քեզ անհոգացնում են և դու չես զգում, որ գերազանցել ես արագությունը և գնում ես դեպի կորուստ: Նեղ ճանապարհներին զգացվում է ամեն մի շրջադարձը և ստիպում է, որ դու զգուշավոր լինես:Նմանապես էլ նեղությունները երբեմն մեզ սթափեցնում են մեր ինքնամոռաց և խելակորույս սլացքից, ստիպում են, որ ավելի զգույշ լինես կյանքի շրջադարձներին:

2. Աստված անպայման կարող է ազատել քեզ նեղություններից:

Սաղմոս 91:3, 34:19

3. Նեղություններից դու ավելի լավ վիճակում դուրս կգաս, քան մինչ դրա մեջ մտնելդ:

Հոբ 42:1012 Ծննդոց 50:20

Ճնշումն օգնում է, որ քո մեջ բացահայտվի այն, ինչ կար: Հիսուսը Գեթսեմանի պարտեզում ենթարկվեց սարսափելի ճնշման: Գեթսեմանի թարգմանվում է Ձիթապտղի ճզման վայր: Եթե ճզմենք ձիթապտուղը, ինչ դուրս կգա նրանից: Հիսուսը բարձ ճնշման ենթարկվեց Գեթսեմանի պաչտեզում: Նա իսկապես ճզմվեց և նրանից անուշահոտ յուղ դուրս եկավ, որ բժշկություն է մեր վերքերին: Քրիստոնյայից պետք է բարեխոսություն բխի այն ժամանակ, երբ չարախոսությամբ ճնշում են նրան: Աստված մեզ ճնշվողից դարձնում է ճնշող: